Já, alvarlegt mál

Alvarlegt en nauðsynlegt mál, einn liðurinn í að gera þetta að hreinum og heiðarlegum stjórnmálaflokki. Gaman væri nú samt að sjá aðra flokka gera uppgjör við fortíðina, gaman væri að fá að vita hvort satt sé að Evrópusambandið styrki samfylkinguna og gaman væri að sjá bókhald hjá framsóknarmönnum, því miður vilja þessir flokkar sáralítið gefa upp, er hægt að kalla það uppgjör við fortíðina?

Þingflokkur fundar í dag

Já þetta eru svoddan brandarakallar hjá samfylkingunni.

Ekki hef ég séð neinn mun eftir að samfylkingin og vg mynduðu þessa minnihlutastjórn, ekki nema það að Dabbi er farinn og krónan er búin að lækka um 10%. Samfylkingin er alveg einstaklega góð í því að tala, segjast hafa gert margt fyrir heimilin og efnahagslífið, en hvað eru þau búin að gera? Mögulega hefur eitthvað gerst sem hjálpar einhverjum en svo lítið brot af þjóðinni er of slakur árangur, þörf er á einhverju róttækara. Þegar ég tala um róttækt þá er ég ekki að tala um stjórnarskrárbreytingar.

En af hverju að breyta stjórnarskránni? Hún er jú orðin úrelt og margt sem má bæta í henni um mörg mál, aldrei hef ég talað gegn breytingum á stjórnarskránni, en af hverju núna? af hverju að fara í gegnum þetta allt nú þegar svo margt annað bíður í þinginu, stjórnarskrárbreytingarnar eru breytingar sem skiptir engu máli þó að verði beðið með frammí mai. Einnig vil ég benda á nokkrar góðar setningar sem komu fram þegar reynt var að breyta stjórnarskránni 2007.

Ögmundur Jónasson: „Stjórnarskránni á ekki að breyta í þeim tilgangi að afla kjörfylgis í aðdraganda kosninga. [...] Það er grundvallaratriði að um stjórnskipan þjóðarinnar ríki stöðugleiki, sátt og festa.“ 

Össur Skarphéðinsson: „Stjórnarskráin er grunnlög lýðveldisins og það er mikilvægt að um þau sé fjallað af mikilli ábyrgð og það sé reynt að ná sem breiðastri og víðtækastri samstöðu um þau mál.“ 

Kolbrún Halldórsdóttir: „Eins og ég sagði finnst mér þetta vera óðagot og mér þykir það mjög miður því að hér er verið að fjalla um afar víðtækt og mikilvægt mál sem ég held að þjóðin verðskuldi að fái betri umfjöllun um en hér virðist eiga að fást.“

Steingrímur J. Sigfússon: „En ég bara trúi því ekki að menn ætli að bera það á borð að örvæntingin í stjórnarherbúðunum, sem myndaðist á fáeinum sólarhringum fyrir og um flokksþing Framsóknarflokksins, sé gjaldgeng ástæða til þess að standa svona að málum, að umgangast stjórnarskrá og vandasöm viðfangsefni þar með léttúð af þessu tagi. Ég læt segja mér það þrisvar að menn ætli í raun og veru að gangast við því að slíkt sé verjanlegt og réttlætanlegt og fara þá leið allar götur til enda.“

Aðrir ráðherrar voru ýmist ekki á þingi eða tjáðu sig ekki um málið.

Hræsni? Já það er gott orð yfir þetta. Greinilegt er að þetta fólk er á móti breytingum rétt fyrir kosningar, nema um þau sé að ræða, þetta er það mikil hræsni að ég á erfitt með að komast yfir þetta.

Einn stór munur liggur þó á þessum breytingatillögum og tillögunum 2007, það fékkst ekki samstaða 2007 svo það var einfaldlega fellt frá, nú vilja vinstriflokkarnir keyra þetta í gegn án samstöðu allra flokka! og skilja þingið eftir í heljargreipum þess vegna. Og síðan er skuldinni skellt á Sjáfstæðisflokkinn eins og svo oft áður, vinstriflokkarnir nota sjálfstæðisflokkinn sem einhverkonar skjöld.

Að tvisvar sinnum hafi verið fellt frá tillaga um að klára Helguvík og greiðsluaðlögunina áður en stjórnarskrárfrumvarpið fer í gegn er fáranlegt! Ég skil ekki hvað er í gangi uppí hausum þessara vinstri manna en reyni einhver útskýra það fyrir mér vinsamlegast, ótrúleg hræsni að reyna að nota stjórnarskrárfrumvarpið til að reyna að fá fylgi og hrifsa fylgi frá XD með að kenna þeim um að hafa stöðvað þingið, vinstriflokkarnir eru að því sjálfir.

Ég er í nettu áfalli yfir þessum skrípalátum.

Takk fyrir.

Njótum góðra verka ríkisstjórnarinnar

Hárrétt viðbrögð

Bjarni hefur sýnt hárrétt viðbrögð við þessu stórhneyksli, hann gerði það besta sem hann gat í sinni stöðu, að skila fjármununum og leita eftir því hverjir stóðu fyrir þessu.

Eitt er þó eftir, að þeir sem beri ábyrgð á allri þessari vitleysu segi af sér! Nauðsynlegt er að menn sýni vott af ábyrgð og losi flokkinn við þessa spillingu og þennan spillingarstimpil sem loðir við flokkinn.

 Ég styð Bjarna Ben í einu og öllu við að losa sjálfstæðisflokkinn við alla spillingu og fara að sinna þessari einstöku stefnu sem er ástæðan fyrir að ég styð þennan flokk.

Göngum hreint til verks Bjarni!

 

Ekki kjörnir fulltrúar flokksins

Spurning hvort að aðrir séu saklausir

Ekki líkaði mér vel við svör Sif og Árna. Þau voru agalega loðin, sérstaklega hjá Sif, allt var þetta hálfklaufalegt hjá henni í sambandi við þessi mál. Þó ósiðlegt hafi verið að taka við öllum þessum fjármunum þá er einnig ósiðlegt að vilja ekki gefa upp neitt, sérstaklega þegar þetta eru flokkar sem eiga í hlut sem hafa gagnrýnt Sjálfstæðisflokkinn fyrir að hafa tekið við þessu.

Að öðru leiti er ég mjög ánægður með að Bjarni Ben hafi skilað þessu, þó kannski hafi ekki margt annað verið í stöðunni.

Geir segist bera ábyrgðina

"Gildran" en ekki Zetan

Er hægt að kalla þetta óháðann miðil? Ég leyfi mér að gagnrýna þessa þáttastjórnendur harðlega vegna hlutdrægni.

Sjaldan hef ég séð önnur eins vinnubrögð hjá fréttamiðli að reyna að draga fram allt það slæma í bakgrunni þessa manns, óforskammanlegt að reyna að setja þennan mann við sama pallborð og útrásarvíkinga þrátt fyrir að hann hafi jú fæðst með silfurskeið.

Gerir það hann að slæmum stjórnmálamanni að hafa silfurskeið í kokinu? Það er ekki eins og hann sé eindæmi í stjórnmálum uppá það að gera.

Þetta var síðasti Zetu þáttur sem ég horfi á.

Takk fyrir.

 

Þarf að auka tekjutengingu

Voru það slæm 18 ár?

Ég skil ekki þessi rök Jóhönnu að Sjálfstæðisflokkurinn ætti ekki að sitja í ríkisstjórn eftir kosningur af þeirri ástæðu að þeir eru búnir að vera í stjórn síðustu 18 árin. Ég skora á hvern sem er til að benda mér á annað 18 ára tímabil þar sem uppbygging landsins og þjóðarinnar hefur verið meiri heldur en síðustu 18 ár. Það er Sjálfsstæðisstefnan sem komið hefur Íslandi í fremstu röð (þá vitna ég í lista Sameinuðu Þjóðanna yfir þau lönd með hvað best búsetuskilyrði).

Aftur að þessum rökum Jóhönnu, ég heyrði önnur álíka góð rök um daginn þegar ég var að ræða við mann sem styður VG. Ég spurði hann einfaldrar spurningar, hvort hann væri hlynntur því sem núsitjandi ríkisstjórn hefur komið í verk, eftir öll loforðin um að gera eitthvað fyrir atvinnulíf, efnahagslíf og heimilin. Hann svaraði að bragði. "Jaaa ..þeir eru nú byrjaðir að vinna að vændismálunum ..það er nú mikilvægt".

Ég gat ekki rengt þennan mann um það, ekki er slæmt að vinna að þessum málum, hins vegar sagði ég setningu sem gerði þennan ágæta mann orðlausann.

"Er þetta forgangsröðunin hjá ykkur?!"

Nú heyrði ég Geir Haarde biðjast afsökunar á að hafa ekki haft dreyfða eignaraðild i bönkunum. Hér með kalla ég eftir sömu afsökunarbeiðni frá formönnum allra annara flokka!!! Það ætlar enginn að fara að reyna að segja mér það án þess að vera að ljúga, að sjálfstæðismenn voru ekki einvalda hér á landi, allir stjórnmálaflokkar voru sammála þessari aðgerð, en núna reynir Samfylkingin, á alveg einstaklega lágkúrulegann hátt, að kenna sjálfstæðismönnum um allt saman! Ég segi NEI við þessu ranglæti! Ég segi að stjórnmálamenn verða að fara að viðurkenna hluti sem sem þeir bera hluta ábyrgðar á og hætta að klína öllu frá sér! Ég vil draga fólkið sem kveðst vera saklaust til ábyrgðar! Mér finnst svo sorglegt að Íslendingar skuli vera svona fljótir að gleyma, að þeir skuli hafa gleymt allri ábyrgð vinstrimanna, að íslendingar láti eins og vinstrimenn hafi alltaf bara verið til hliðar án þess að hafa nokkurntímann sagt neitt ..en bíddu! Ef þeir sögðu ekki neitt, höfðu þeir þá einhverjar athugasemdir? voru þeir þá á móti þessu?

Það eru engar Gróusögur með "samstarf" Samfylkingarinnar og Baugsmanna og fleiri auðkýfinga/útrásarvíkinga. Á meðan Davíð Oddsson barðist hatrammlega gegn þessum mönnum þá voru þeir verndaðir af Samfylkingarmönnum. Þar bendi ég meðal annars á fjölmiðlafrumvarpið, þar sem Óli Grís (Samfylkingunni) notaði neitunarvaldið í fyrsta sinn í sögu forsetaembættisins, gagngert til verndar Jón Ásgeiri og félögum. Ef það hefði ekki gerst, hefði frumvarpið komist í gegn þá væri fjölmiðlar óháðir! Án allra afskipta samfylkingarinnar. Þetta fannst honum Óla (baugs)Grís ekki sniðug hugmynd.

Svona gæti ég haldið áfram í alla nótt en hef ákveðið að láta staðar nema hér þrátt fyrir að geta haldið áfram í alla nótt.

Upplýsum þjóðina!

Góða nótt.

Jóhanna: Sjálfstæðismenn áfram á bekknum